सिरहा जिल्ला अदालत वार एसोसिएसनको मनमानी : प्रति निवेदन २०रुपैया असुली सेवाग्राही मर्कामा

सिरहा । भाद्र २ सिरहा जिल्ला अदालत वार एसोसिएसनले अदालतमा आउने सेवाग्राहीहरु संग विना कानुनी अधार मनपरी ढंगले रकम असुली गरिरहेको पाएको छ। वारले नकल निवेदन र वाकालतनामा निवेदन वापत प्रति निवेदन २०रुपैयाका दरले रकम लिने गरेको हो । उक्त नकल निवेदन र वाकालतनामा निवेदनको फारम विक्रिवितरणमा पुर्ण एकाधिकार कायम गरी नियम विपरित मनमानीढंगले रकम लिने गरेको हो । सिरहा जिल्ला अदालतको पुनरावेदन हेर्ने जनकपुर राजविराज ईजलास राजविराजमा नकल निवेदन र वकालतनामा निवेदन खुल्ला रुपमा सडक किनारमै तथा पसलहरुमा निवेदन फारम वापत प्रति निवेदन रुपैया १० लिने गरी विक्रि गरेको छ तर सिराहामा ठिक त्यसको विपरित रहेको देखिन्छ ।
न्यायका आशमा अदालत सम्म पुग्ने गरेका सर्वसधारण नागरिकमाथि सिरहा जिल्ला अदालत वार एसोसिएसन आफैंले अतिरिक्त भार थपि मनमानी ढंगले रकम लिने गरेको देखिन्छ ।
विना रसिद र मापदण्ड विपरित रकमअसुली :-
अदालतबाट कुनै पनि कागजातको नक्कल सार्नका लागि दिइने निवेदन र मुद्दा लडनका लागि वकिल नयूक्त गर्दा दिइने निवेन फारमका नाममा रकम लिने गरेको छ ।
अपादरर्शी असुली :- लिएको शुल्कको कुनै अधिकारिक रसिद दिदैन
बजेटको दुरुपयोगः- रकम सिधैं वारको कोष तथा पदाधिकारीहरुको तजविजमा खर्च हुन्छ ।
कानुनी प्रश्न : – नेपाल वार एसोसिएसन तथा अदालत प्रशाशनले कुनै आधिकारिक निर्देशिका जारी गरेको छैन ,
सर्वोच्च अदालत र जिल्ला अदालतहरुले नक्कल निवेदन,वाकालतनामा निवेदन जस्ता समान्य निवेदनका ढाचाँहरु सर्वसधारणका लागि निःशुल्क रुपमा उपलब्ध गराउनु पर्ने प्रावधान रहेको छ
अदालतमा न्याय माग्न आउने विपन्न तथा गरिव सेवाग्राही नागरिकहरु वारको यस कदमबाट मारमा परेका छन । एका तिर वकिलको चर्को फि तिर्नु पर्छ भने अर्को तिर वार विना रसिद निवेन फारमका नाउँमा रकम असुल्ने गरेकोे छ ।
कानुनको रक्षा गर्ने र न्याय प्रणालीलाई पारर्दशी बनाउने जिम्मेवारी बोकेका कानुन व्यवसायीहरुको संथाले नै अबैध रुपले निवेदन फारमका नाउँमा रकम असुल्ने गरेको छ ।
नियमनकारी निकाय मौन ;- सिराहा जिल्ला अदालत प्रशाशन ् र नेपाल वार एसोसिएसन केन्द्री नेतृत्वले सिरहा जिल्ला वार एसोसिएसनको मनमानीलाई देखेर मौन वसेको देखिन्छ । सिरहा जिल्ला अदालत वार एसोसिएसनको गैरकानुनी असुली कार्य तुरन्त बन्द हुनुपर्ने देखिन्छ ।