नेपालगञ्ज । नेपालगन्जमा ग्यास लुकाउने एक किराना पसललाई ५० हजार रुपैयाँ जरिवाना गराइएको छ । नेपालगन्ज–११ स्थित शंकर दयाल बद्रीप्रसाद प्रोभिजन स्टोरलाई जरिवाना गराइएको हो ।
बाँकेका सहायक प्रमुख जिल्ला अधिकारी महेशकुमार गुरुङको नेतृत्वमा गएको अनुगमन टोलीले सो किराना पसलमा १३ वटा ग्यास सिलिन्डर लुकाएर राखेको अवस्थामा फेला पारेको थियो । सो स्टोरले ग्यास लुकाएर राखेको भन्ने सूचना आएपछि अनुगमन टोली त्यहाँ पुगेको थियो ।
उपभोक्ता संरक्षण ऐन, २०७५ अनुसार सो ग्यास पसललाई ५० हजार रुपैयाँ जरिवाना गरिएको हो । अनुगमन टोलीले किराना पसलबाट अखाद्य केही साम्रग्रीसमेत फेला पारेको छ ।
केही दिनदेखि बजारमा खाना पकाउने ग्यास अभाव देखिँदै आएको छ
